OKUW ADAMKÄRÇILIK EDEP
DURY ZEHIN OKUW TOPLUMY
"Hyýallaryň hakykata öwrülýän ýeri..."
TEST TABŞYR
Onlaýn test tabşyrmak arkaly daşary ýurt dilleri derejäňi barla
TESTE BAŞLADURYSAHAWAT
Wideo dersleri arkaly bilimiňizi özbaşdak kämilleşdirip bilersiňiz
DURYSAHAWATBIZ BARADA
Duryzehin okuw toplumynyň maksady sagdyn jemgyýetiň özeni bolan maşgala gymmatlyklaryna sarpa goýýan şahsyýetleri kemala getirmek, iş ahlagynyň esasy bolan halypa-şägirtlik däplerine eýerýän, ähli pudaklarda ýurdumyzyň ösüşine itergi berjek ussat hünärmenleriň taýýarlanmagyna goşant goşmak, milli medeniýetimiziň dinamizmini halkara medeniýetler bilen sazlaşykly özleşdiren parahatçylyk ilçilerini ýetişdirmek...
Missiýamyz
Ylym we tehnologiýanyň gazananlary bilen bezelen äňyny kalbynyň mähirli duýgylarynyň süzgüjinden geçirip ähli hadysalara paýhas bilen çemeleşmegi başarýan dury zehinli nesilleri kemala getirmek...
Garaýşymyz
Geljege howalanýan nesillerimiziň bir ganaty bilim bolsa, beýleki ganatynyň edep-ekramdygyna düşünip, olara mynasyp bilim we terbiýe bermek hem-de olaryň Watanymyzyň aýdyň geljeginiň kepilidigine şeksiz ynanmak...
Gymmatlyklarymyz
Güýjüni dogruçyllyk, adalatlylyk, wepalylyk, asyllylyk, edep-ekramlylyk, irginsiz zähmet, tutanýerlilik, jogapkärçilik, işeňňirlik, pespällilik, erkin döredijilik, keseki garaýyşlara hormat goýmak ýaly gymmatlyklardan alýan hyjuwly nesiller...
HYZMATLAR
Duryzehin okuw toplumy diňleýjileriniň ünsüni bilim bilen birlikde döredijilik sungatlaryna hem çekmek bilen gyzykly ýaşamagy öwredýär.
DAŞARY ÝURT DILLERI
Iňlis we rus dillerini kämil derejede öwrenmek isleýänler üçin tapylgysyz hazyna bolan daşary ýurt dilleri kafedramyz häzirki zaman usullarda “gepleşmek ukybyny” esas edinýän okuw programmasy bilen beýlekilerden tapawutlanýar.
KOMPÝUTER SOWATLYLYGY
Bu döwürde diploma däl-de hünäre seredilýär. Dürli kompýuter programmalaryny özleşdiren diňleýjilerimiz üçin olaryň gazanan hünäri gazanç çeşmesine öwrüldi. Interýer we eksterýer dizaýny, modelirlemek, mahabat dizaýnlary, wideo montaž bulardan diňe käbirleri...
MATEMATIKA
Ähli ylymlaryň gözbaşy hasaplanýan matematika durmuşda islendik ýerde gabat gelýär. Matematikany gyzykly we durmuşda ulanylýan taraplary bilen öwretmek Duryzehini beýlekilerden tapawutlandyrýar.
SURATKEŞLIK
Suratkeşlik sungatyna düşünýänler durmuşda haýsydyr bir zady söz bilen düşündirmegi isrip saýyp, tomlarça kitabyň beýan etmek islän maksadyny birje kagyzyň ýüzüne dürli reňkler arkaly sygdyrmagy başararlar.
DIZAÝNER-MODELÝERLIK
Owadan we göze gelimli egin-eşikleri halamaýan ýokdyr. Olaryň eskizini çyzmakdan başlap, biçmek we tikmek sungatyny öz içine alýan dizaýner-modelýerlik okuwymyzyň diňleýjileri biziň dünýämizi gözelleşdirýärler.
AKTÝORLYK SUNGATY
Jemgyýetde özüňi dogry alyp barmak, dürs gürlemek, birdenkä mikrofon uzadylanda aljyraman öz pikirleriňi doly we dogry beýan etmek, dünýä we milli tanslary öwrenmek bilen durmuşda owadan we ýerlikli hereket etmek, häzirki zaman kärlerinden bolan bloggerligi mynasyp alyp barmak aktýorlyk sungaty okuwymyzyň diňleýjileriniň çep elinden gelýär.
TOMUSKY DYNÇ ALYŞ OKUW MÖWSÜMI – SUMMER CAMP
Duryzehinde tomusky dynç alyş okuw möwsümi mekdep okuwçylarynyň tomus kanikulynda ertirden agşama çenli höwes bilen gatnaşýan däbine öwrüldi. Duryzehin Summer Camp her ýyl üýtgeýän gyzykly programmasy bilen tapawutlanýar. Şonuň üçin hem ony gaýtalamak mümkin däl. Ýatdan çykmajak ýakymly ýatlamalaryň döreýän ýeri...
MUGALLYMLARYMYZ
“Şeýle bir özger welin, seni öňden tanaýanlar täzeden tanyşmaly bolsunlar!”
Ömür ýoluny bilim işi bilen badaşdyran tejribeli komandamyz çagalarymyzyň aýdyň geljegi üçin irginsiz, tutanýerli zähmet çekýär. Komandamyz halkara giň dünýagaraýşy, maksat edinen beýik sepgitleri, gyzykly bilim strategiýasy hem-de bilim we döredijilik sungatlaryny bilelikde alyp barmak bilen beýlekilerden tapawutlanýar. Biziň durmuş ýörelgämiz: “Şeýle bir özger welin, seni öňden tanaýanlar täzeden tanyşmaly bolsunlar!”
Miss Belle
Madam Gizelle
Miss Iris
Madam Joanne
Direktor Gurbangeldiýewa Jeren Çaryýewna
ÇÄRELER
Duryzehiniň çäreleri meýletinlik esasyna daýanýar. Çärelerimiz jemgyýetçilik başlangyjy bilen geçirilip, olara gatnaşmak islege baglydyr. Şeýle bolmagyna garamazdan çärelerimizde boş orun tapmak örän kyn. Çärelerimize haýsydyr bir sebäpden gatnaşyp bilmedikler bolsa, möhüm bir zady ýitirendiklerini köňül çuňluklarynda duýýarlar.
"DuryzehinTalkzz"
Emeli aň durmuşymyza näçeräk aralaşdy? temasynda iňliş dilinde gepleşik geçirilýär. Gatnaşmak erkin. Gyzyklanma bildirýänler şu ýerde öňünden registrasiya geçip bilerler.
"STORY TELLING"
"Matilda" atly kitabyň birinji bölümi dürli çareler, sorag-jogaplar we hödür-keremler bilen bilelikde örän gyzykly ýagdaýda iňlis dilinde okalyp, üstünde işlener. 9-15 ýaş aralygyndaky gatnaşmaga isleg bildirýänleriň ählisi çärämize çagyrylýar. Registrasiýa geçmegi unutmaň!
MAKALALAR
Komandamyzyň döredijilik ylhamlaryndan joşan dürli temaly makalalar siziň düşünje dünýäňize täzeçe öwüşgin çaýar. Makalalaryň aşagynda öz teswirleriňizi goýmagy unutmaň we ýakynlaryňyza we tanyşlaryňyza hem maslahat beriň
JOGAPKÄRÇILIK DUÝGUSY
Makalada adamyň öž öňünde duran jogapkärçiligi, maşgalasynyň öňündäki jogapkärçilikleri, jemgyýetiň öňündäki jogapkärçilikleri we Watanynyň öňündäki jogapkärçilikleri barada jikme-jik durlup geçilýär. 12-16 ýaşly çagalarda jogapkärçilik duýgusyny oýarmak üçin iňňän wajyp gollanma bolup hyzmat edip biler.
ÝATLAMALAR
Özara bäsleşikler , toparlaýyn ýeňiş we ýeňlişler , şowhunly we gülkünç momentler , smartphonelaryňyzyň ekranlarynda we Duryzehiniň saýtynda we sosial ulgamdaky sahypalarynda müdimilik saklanar. Siz hem bardy-geldi telefonlaryňyzy çalşaýsaňyz ýakymly ýatlamalaryňyzy täze telefonlaryňyza geçirmegi ahmal etmäň!
HABARLAŞMAK
Islendik temada biz bilen habarlaşyň. Professional komandamyz Siziň bilen gysga wagtda aragatnaşyga geçer. Siziň aladalaryňyz, biziň aladalarymyz. Söýenişen ýykylmaz. Bir-biregi goldalyň!
Dury Zehin Okuw Toplumy
Aşgabat şäheri, "Gülzemin" SDAM, 2-nji gat
+993 12 90-30-08
+993 61 790034
duryzehin@gmail.com
Duşenbe - Şenbe: 09:00 - 20:00
Sorag bermek ýa-da ýazylmak
Aşakdaky formany dolduryň, biziň hünärmenlerimiz gysga wagtda Siziň bilen habarlaşar.